Претседателот на СДСМ, Зоран Заев, денеска имаше средба со амбасадорот на Црна Гора во Република Македонија, Душан Мрдовиќ.
На средбата, соопшти СДСМ, Заев го информирал амбасадорот Мрдовиќ за тековните активности во партијата, организационата поставеност, комплетирањето на раководните структури на партијата во општинските организации, како и со агендата на настани кои следат.
Амбасадорот Мрдовиќ ги поздравил напорите на претседателот Заев и СДСМ за враќање во Парламентот и донесување Извештај за настаните од 24. декември, со оценка дека на тој начин опозицијата остварила сериозен придонес во стабилизирањето на парламентарниот живот и политичката сцена во земјава.
Претседателот на СДСМ, Заев и амбасадорот Мрдовиќ разговарале и за продлабочување на соработката помеѓу Македонија и Црна Гора, што ќе овозможи афирмација на двете земји преку нови искуства и проекти.
На средбата биле спомнати можности за регионални иницијативи кои ќе ги вклучуваат Македонија, Црна Гора, но и други земји од регионов, кои ќе придонесат за конкретна соработка во економијата, културата и други сектори.