Претседателот на СДСМ, Зоран Заев денеска се сретна со амбасадорката на Австрија во Македонија, Ренате Коблер.
Амбасадорката Колбер изрази почит кон демократските заложби на претседателот Заев и на раководството на СДСМ на патот кон разврска на политичката криза.
Заеднички е констатирано дека е од суштинска важност за иднината на граѓаните и на Република Македонија е доследно спроведување на Договорот од Пржино.
-Одлучно сме насочени кон демократски промени во Македонија. Се чувствува првична релаксираност кај граѓаните. Целта на нашето учество во Владата е да обезбедиме гаранции за фер и демократски изборен процес, а по изборите на 24 април слободна и европска Република Македонија, рече Заев.
На средбата се разговараше и за условите за почеток на работа на специјалната јавна обвинителка, за потребата од слободни медиуми и за проектот Визијата за Македонија којшто наиде на добар оддек кај граѓаните и експертската јавност и води кон квалитетна Програма за и од граѓаните во Македонија.