Лидерската средба во Клубот на пратеници заврши. Во изјавата за медиумите, лидерот на СДСМ, Зоран Заев рече дека средбата била обид да се востпостави рамка за политички дијалог.
Тој оцени дека тоа не се случило. Средбата продолжува во понеделник.
Заев кажа дека инсистира на оставки и на формирање на преодна Влада како единствен услов за решавање на политичката криза.
„Нормализација е можна само со формирање на преодна Вклада која ќе ги организира предвремените избори“, рече Заев.
Лидерот на СДСМ потенцира дека нема враќање во Парламентот, освен ако тоа не е чекор за реализација на договореното, односно формирање на преодна Влада.
„По сите снимки и докази за власта, опозицијата не ни размислува за друга опција освен оставки и преодна Влада“, рече Заев.