На денешната собраниска седница посветена на пратеничките прашања, Антонијо Милошоски дополнително праша дали премиерот Зоран Заев знае кое е второто лице со псевдоним Кики за кое се зборува дека е функционер на СДСМ и дека заедно со претходно споменатиот Коки барале на една од петте градоначалнички на СДСМ, бесплатна локација за градба и неплаќање комуналии во износ од 1 милион евра.
„Немам намера да лустрирам претходно луѓе, но се знае за која градоначалничка се работи. Се работи за случај од пред една година. Биле луѓе, се барало локација за старечки дом, се барало урбанизација на локација, но надлежноста е на советот, а Битола нема намера да прави измена на генерален план, си има истрага“, одговори Заев и додаде дека предлогот бил одбиен од градоначалничката на Битола.