Претседателот на СДСМ Зоран Заев на денешната прес-конференција, зборувајќи за, како што рече, криминалите на власта, изјави дека „кумот е човекот кој веројатно повеќе пати го има бакнато Субрата Рој и од неговата жена“.
– Како резултат на тоа, економијата ни цвета, а вие кои, како мене минувате често низ Овчеполието, лесно можете да ги видите и неговите 20.000 крави инвестиција од Индија. Од крави, не се гледа полето. Зоран Ставревски е човекот кој ја задолжи државата до гуша со кредити што ќе ги враќаме не само ние, туку и нашите деца и внуци, рече Заев.