Претседателот на СДСМ, Зоран Заев, попладнево се сретна со амбасадорот на Р.Албанија во Р.Македонија, Фатос Река.
Претседателот Заев го информираше албанскиот амбасадор за очекувањата на СДСМ за разврска на политичката криза во правец на демократските промени за коишто гласаа мнозинството граѓани на Македонија на 11 декември, како и за очекувањата за соработка со албанските партии.
-Очекуваме на 29 декември Никола Груевски да го врати мандатот и дека СДСМ е партијата што ќе формира Влада во Република Македонија, рече претседателот Заев.
Констатирано е дека на изборите во Македонија граѓаните застанаа зад концептот на заедништво наспроти концептот на поделби и дека е тоа голема придобивка за Р.Македонија.
-СДСМ во Планот за живот се обврза за квалитетен живот на граѓаните, правда и правичност, еднаквост на граѓаните, во Македонија едно општество за сите граѓани. Нашата цел е да ги спроведеме сите потребни реформи согласно извештаите на Прибе и на Европската комисија и да овозможиме евро-атлантски перспективи и за Македонија и за нашите граѓани, рече претседателот Заев на средбата со амбасадорот Река.