Заев – Лофвен: Неопходно е повлекување на Груевски и неговите најблиски соработници

Од:

Во рамки на Конгресот на ПЕС, којшто се одржува во Будимпешта, Унгарија, претседателот на СДСМ Зоран Заев и заменик претседателката Радмила Шекеринска денеска остварија средба и со премиерот на Шведска, Стефан Лофвен.

На средбата се разговараше за актуелната состојба во Република Македонија и можностите за продолжување на разговорите за решавање на длабоката политичка криза во земјава преку преговори.

Претседателот Зоран Заев ги истакна принципиелните позиции на СДСМ како и предлозите Република Македонија да ги врати демократските вредности, во интерес на граѓаните и иднината на државата, за што постои целосно разбирање и силна поддршка од шведските социјалдемократи.

-Неопходно е повлекување на Никола Груевски и неговите најблиски соработници, кои ги создадоа проблемите во земјата, за преодна Влада да создаде неопходни услови за организирање фер и демократски изборен процес. Само на тој начин може да се обезбеди нормализација на институциите, независност на судството, медиумите и конечно враќање на демократските вредности и европската перспектива на Македонија, рече Заев.

Заев се заблагодари за силната поддршка од шведските социјалдемократи посочувајќи дека таа е во интерес на граѓаните на Република Македонија.

Претседателот на СДСМ Зоран Заев и заменик претседателката Радмила Шекеринска денеска учествуваа и на лидерската средба, на којашто присуствувше и претседателот на Европскиот парламент Мартин Шулц, заедно со лидерите на повеќе сестрински партии од Европа.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов