Премиерот Зоран Заев на комеморативната седница во општина Гостивар изрази сочувство до семејствата на загинатите во сообраќајната несреќа.
Тој посочи дека ќе им се помогне на семејствата на секој можен начин.
„Душата не боли за секој згаснат живот. Тагата е заедничка. Зборовите за утеха тешко се наоѓаат, оти нема утеха за срцата кои тагуваат по саканите. Зборовите не можат да допрат до душата која жали. Човекот додека има луѓе околу себе не е сам. Загубата не се надоместува, но не сте сами“, порача премиерот во обраќањето.
Тој рече дека лично ќе се заложи за помош на семејствата и изрази сочувство во име на Владата и негово име.
Седуммина од патниците од автобусот кои што се хоспитализирани во Скопје сѐ уште се во критична и тешка состојба. Министерот за здравство, Венко Филипче, денеска потенцираше дека бројот на жртвите од синоќешната сообраќајна на патот Скопје – Тетово е 14 лица.
Кристијан Ландов