Претседателот на СДСМ, Зоран Заев придружуван од Виктор Габер од Комисијата за надворешна политика на СДСМ, денеска оствари средба со амбасадорот на Република Турција во Република Македонија, Омур Солендил.
На средбата за разговараше за актуелната политичка ситуација и можностите за решавање на политичката криза.
-Откривањето на Вистината за Македонија ќе стави крај на недемократското владеење што го наметна оваа власт во изминативе девет години, узурпирајќи ги институциите на државата и слободната волја на граѓаните, изјави претседателот Заев.
Единствениот начин тоа да се случи, како што посочи претсеадтелот Заев е враќањето на изгубените демократски вредности, пред се слободата и владеењето на правото, што се основните цели на дејствувањето на СДСМ од коишто партијата нема да се откаже.
