Премиерот Зоран Заев на денешната 103. седница на Собранието, на која се расправа по реконструкцијата на Владата, го повлече предлогот во исто време да биде и министер за финансии.
Тој појасни дека согласно овлатувастувањата со Законот за Влада, ќе раководи со Министерството за финансии, се до изборот на нов министер.
„Уставот и Законот за Влада дозволува премиерот да е и министер, но кога е отворена дилемата и дебатата во јавноста треба да ги слушаме Државната комисија за спречување корупција и опозицијата и експертите во јавноста“, рече Заев и додаде дека овој предлог го трга од дневниот ред.
„Најавувам дека ќе раководам со министерството за финансии до избор на нов министер“, рече премиерот.