Сообраќајот на магистралните и регионалните патни правци низ државата се одвива тековно во зимски услови. Активни забрани за сообраќај на тешки товарни возила моментно има само на патниот Тетово-Попова Шапка, што важи и за автобуси, соопшти ЈП „Македонија пат“.
Коловозите се претежно суви наместа со остатоци од кашест снег. Се препорачува внимателно возење и прилагодување на брзината кон условите на патот. Дежурни екипи на ЈП „Македонија пат“, според соопштението, се на терен, редовно ги контролираат, опесочуваат и расчистуваат сите патни правци.