Забраната за движење на тешки товарни возила на патниот правец Дебар – Струга, што беше воведена вчера, се уште е во сила. Од синоќа се укинати забраните за тешки товарни возила на патните правци Струга-граничен премин Ќафасан и Охрид – Ресен, преку планинскиот премин Буково.
Според Автомото сојузот на Македонија, сообраќајот на сите магистрални и регионални патни правци низ државата се одвива во зимски услови и по влажни коловози, особено во западниот дел од државата.
На повисоките осојни места има мали остатоци од кашест снег. На планинскиот превој Стража има снежни врнежи со слаб интензитет, но не претставуваат проблем за одвивање на сообраќајот.