Сообраќајот на патниот правец Радовиш – Конче поради свлечиштето, се одвива по една коловозна лента, за што е поставена соодветна сообраќајна сигнализација.
Како што информира АМСМ, на овој патен правец е воведена и забрана за движење на тешки товарни возила
Сообраќајот на сите останати државни патишта во Македонија утрово се одвива без забрани и застои, по наместа влажни коловози. Се уште трае забраната за товарни моторни возила и автобусина на патниот правец Кратово – Пробиштип, на околу 100 метри за излез од Кратово, додека сообраќајот за патнички моторни возила се одвива наизменично.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.