Солза Грчева и Љубица Буралиева и активно се вклучија во работата на Законодавниот дом.
Солза Грчева е член на комисиите за европски прашања и за образование, наука и спорт, како и заменик член во комисиите за надворешна политика и за труд и социјална политика. Љубица Буралиева, пак, е член на комисиите за култура и за локална самоуправа, како и заменик член во комисиите за здравство и за земјоделство, шумарство и водостопанство.
За владеачкото мнозинство овој чекор на Грчева и Буралиева е зрелост, а за СДСМ, предавство и непочитување на партискиот став за бојкот.
И двете беа на листите на опозициската коалиција на добитни места. Иако, дел од општинските организации жестоко реагираа на одлуката токму тие да добијат шанса за влез во Парламентот, сепак раководството им ја даде довербата. По во многуте статуси на социјалните мрежи и двете пишуваа за борба за демократија, единство на опозицијата, се сликаа пред Собранието кога беше соопштена одлуката за бојкот, но се премислија. Ги отвораа и затвораа профилите на социјалните мрежи, во зависност од коментарите кои ги добиваа. Одлучуваа и се премислија, но, како што напишаа со бојкот, на собраниските фотелји ќе ја биеле битката за слобода.
