За опозицијата покачувањето на платата е популизам, а за власта вистинско решение

Од:

Минималната плата ги скара противниците од власта и опозицијата, при што за едните е популистички чекор, а за другите решение во вистински момент.

На собраниската дебата најгласен беше пратеникот на ВМРО-ДПМНЕ, Драган Данев, според кој покачувањето на платата се носи пред избори за поткуп на гласачи.

„Носите едено решение без дебата, без да бидат прашани работодавачите и стопанските комори, но тоа е ваша одлука на владеење. Покачувата плати, пензии пред избори. Освен тоа некоординирани сте во ставовите. Вашата министерска Царовска рече за да се прехрани едно 4-члено семејство треба 17.500 денари, а платата се покачува на 14.500 што значи дека минималната плата не стига ниту за храна. Ова е факт дека решението е носено несистемски и набрзина без анализа дали ќе има реперкусии по отпуштање на работници зошто работодавците може да не го издржат тој товар“, заклучи Данев.

За пратениците на власта, покачувањето на минималната плата е согласно ветената програма што ја дале пред избори и според нив ова ветување се исполнува како што е дадено.

„Не гледам ниту конфузност, ниту контрадикторност. Зголемувањето на минималната плата е решение коешто ќе ја зајакне социјалата, ќе го подигне стандардот и не е популистичка мерка, туку мерка согласно програмата. Доколку не се покачеше минималната плата, би ве запрашала дали 9.000 денари, колку што беше платата, ќе беа доволна да се наполни потрошувачката кошничка“, реплицираше пратеничката на СДСМ, Снежана Калевска.

Во дискусијата се вклучи и собранискиот спикер Талат Џафери кој посочи дека носењето на законот, не е предизборно односно дека има доволно време да се изгласа и не ги крши процедурите. Сепак, опозицијата рече дека иако не се согласува со мерката што се носи пред избори, во име на граѓаните од загрозените социјални категории, ќе го поддржи законското решение.

Би можело да ве интересира

Лицата со навршени 65 години, кои немаат 15 години стаж, ќе можат да го откупат стажот за да одат во пензија

Ана Ололовска

(ВИДЕО) Локвенец: Со блокирањето на законот за одбрана, ВМРО ДПМНЕ го кочи членството во НАТО

Габриела Димковиќ-Мишевска

Власта и опозицијата во Собранието меѓусебно се обвинуваа за реализираното во транспортната инфраструктура

Ана Ололовска

Собранието го одобри финасискиот план на Регулаторната комисија за енергетика и водни услуги за 2020 година

Ана Ололовска

Собранието ќе ја продолжи 126. седница

Ана Ололовска

Седници на три собраниски комисии

Ана Ололовска