ВИДЕО: За малверзации со земјиште спроти Воена болница – уапсен Слободан Богоевски

Од:

Во полициска акција, покрај поранешниот прв човек на УБК, Слободан Богоевски уапсени се и адвокатите Владо Пешликовски и Васко Томановиќ и една девојка, која е поранешен управител на една од фирмите, која учествувала во криминалот.

Освен овие четворица, се трага уште по двајца.

Полицијата засега ги има утврдено следните кривични дела:

– перење пари

– употреба на исправа со лажна содржина

– фалсификат на исправи и документи

Стаува збор за малверзации со земјишната парцела кај Спортскиот центар „Борис Трајковски“, лоцирана на аголот спроти Воена болница. Пред неколку години на таа локација словенечки „Меркатор“ најави инвестиција.

Уапсените се товарат за малверзации во висина од еден милион евра.

Интегрално соопштение од МВР

Министерството за внатрешни работи денеска ја реализираше Оперативната обработка „Агент“ со која се документираа малверзации околу градежното земјиште лоцирано на атрактивна локација во близина на Спортскиот Центар „Борис Трајковски“ во Скопје.

Поради основано сомнение дека сториле повеќе кривични дела како „„перење пари и други приноси од казниво дело“, „фалсисификување исправа“, „употреба на исправа со невистинита содржина“ и „злоупотреба на службената положба и овластување“, поднесена е кривична пријава против шест лица од кои петмина се македонски државјани и еден државјанин на Република Словенија. Осомничените се јавуваат во својство на сопственици и управители на фирми, но и како физички лица кои учествувале во извршувањето на кривичното дело.

Според досега документираните сознанија, пријавените искористувајќи го раскинувањето на Договорот за доделување на градежното земјиште на користење, склучен во 2000 година помеѓу Министерството за урбанизам и градежништво на РМ и фирмата „Централ Балкан Инвестмент ЦБИ“ од Никозија, Кипар, а со цел да прикријат незаконски стекнати парични средства во износ од 62.855.196 денари, изготвиле Договори со невистинита содржина помеѓу дел од нив и фирми во нивно владение, за наводно посредување за раскинување на споменатиот Договор, кој претходно веќе бил раскинат) притоа сторувајќи ги напреднаведените кривични дела.

Првопријавениот В. Т. од Скопје, како адвокат и полномошник на фирмата „Централ Балкан Инвестмент ЦБИ“ од Никозија, три месеци пред раскинување на договорот формирал фирма во Скопје со идентично име „Централ Балкан Инвестмент ЦБИ“ ДООЕЛ Скопје. Договорот за земјиштето со кипарската фирма од страна на Мистерството за транспорт и врски бил раскинат на 03.03.2009 година, заради неисполнување на обврските. Веќе наредниот ден по раскинувањето на Договорот, односно на 04.03.2009 година, со фирмата „Инвестмент Интернационал“ ДОО Скопје, која е во сопственост на Меркатор Словенија, а управувана од пријавениот словенечки државјанин, адвокатот склучил Договор во име на кипарската фирма, а во понатамошната содржина на Договорот наместо „Централ Балкан Инвестмент ЦБИ“ од Никозија, стоело „Централ Балкан Инвестмент ЦБИ“ ДООЕЛ Скопје. Сомненијата се дека целта на ваквиот договор била парачните средства кои „Инвестмент Интернационал“ треба да ги префрли на „Централ Балкан Инвестмент ЦБИ“ од Никозија по основ на обештетување за наводно направени трошоци за користење на земјиштето, да бидат префрлени на скопската „Централ Балкан Инвестмент ЦБИ“, во сопственост на адвокатот.

Инаку словенечката фирма била заинтересирана за купување на предметното земјиште, а подоцна и го купила земјиштето од Република Македонија. На овој начин паричините средства согласно Договорот од 04.03.2009 година, никогаш не биле префрлени на сметката на кипарската фирма, туку на фирмата со идентично име од Скопје, сопственост на адвокатот, а управувана од петто пријавениот А.Ј.(29) од Скопје.

Во ова му помогнал словенечкиот државјанин, управител на „Инвестмент Интернационал“, со тоа што иако знаел дека парите треба да бидат префрлени на Кипарската фирма, ги префрлил на фирмата од Скопје со иднетично име. Откако паричните средства биле префрлени на сметката на скопската фирма, со цел да се прикрие потеклото, пријавениот адвокат склучува Договори со невистинита содржина за наводно посредување за раскинување на предметниот Договор (кој претходно веќе бил раскинат) со фирмите Интерпарт Ком ДООЕЛ Скопје, сопственост на второпријавениот В. П. (43), а управувана од четвртопријавената Д.Т.(30) и со физичкото лице, третопријавениот С. Б. (62).

Врз основа на вака склучените Договори, на лична сметка на физичкото лице во двата наврата во јули 2009 година од фирмата на првоосомничениот му се префрлени вкупно 28.670.000,00 денари, од кои пријавениот 17.500.000,00 денари ги подигнал во готово, а 2.860.000,00 денари повторно ги вратил на сметката на скопската фирма, додека 8.000.000,00 денари останувале на неговата лична сметка.

Првопријавениот склучил ваков Договор и со фирмата „Интерпарт Ком“ ДООЕЛ Скопје на која и се префрлени парични средства во износ од 24.260.000,00 денари. Управителката на „Интерпарт Ком“ ДООЕЛ Скопје за да го реализира овој Договор склучила Договор со второпријавениот кој иако фигурира како сопственик, како адвокат требало да посредува во раскинувањето на предметниот Договор за што му префрлила износ од 17.940.900,00 денари.

Денеска, врз основа на Наредби од Истражен судија од слобода се лишени чети лица, а по две сеуште се трага. Министерството за внатрешни работи продолжува да постапува по случајот.

Би можело да ве интересира

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ

Приведена тетовка барана со потерница

Уапсени двајца скопјани затекнати како се дрогираат во стан на дилер од Скопје – уапсен и дилерот