Претседателот на Србија, Александар Вучиќ изјави дека динамиката на односот на Србија со Европа ќе се промени во наредните месеци и сака да се надева дека тоа ќе биде во позитивно светло.
– Мислам дека тоа мора да се случи веќе во јуни, бидејќи Украина нема лесно да победи во воена смисла, тоа е речиси невозможно, очекувам дека ќе добие голема динамика на европскиот пат. Мислам дека ќе се донесат одлуки за итен почеток на преговорите и итен влез во ЕУ. Американците создаваат блок во Европа, посебен блок кој ќе го сочинуваат Полска, балтичките земји и Украина. Ќе имате земји кои се поголеми од Франција во однос на населението. Ако на тоа се додаде и Романија, тогаш тој квинтет или секстет станува најмоќен во Европа и е под директно влијание на Америка. Во самата Европа политичката карта ќе се промени – истакнува Вучиќ.
Тој притоа додаде:
– Мислам дека во меѓувреме ќе се случат уште многу. Актот на Бајден за намалување на инфлацијата, кој е генијален, со кој ги принудија компаниите од ЕУ да се преселат во Америка, сега ќе се договорат со Европа дека тоа не важи за европските земји. Ќе бидат потребни компании како Фолксваген и работни места. Ќе се согласат дека тоа не важи, но дека треба да спроведат мерки кон Кина кои ги спроведува и Америка – рече Вучиќ.
