Во спомен домот на АСНОМ денеска се одржа втората сесија од Форумот на заедницата за двете соседни општини Делчево и Македонска Каменица на тема Собирање на сметот.
Темата на форумот ја презентираше модераторот Гонце Јаковлеска од Македонскиот центар за меѓународна соработка, а во името на градот домаќин гостите и учесниците на Форумот ги поздрави градоначалникот на Делчево, Дарко Шехтански.
Комодераторот Виктор Анастасовски во своето излагање констатира дека и во Делчево и во Македонска Каменица не се врши селектирање на отпадот, дека депониите за одлагање на сметот не се според стандардите и прописите и дека возниот парк на Јавните комунални претпријатија и во двете општини е застарен.
Откако Форумот ќе ги дефинира проектите, ќе биде направена динамика за нивно решавање со средства од донацијата на Швајцарија во износ од 340.000 илјади евра, и со издвојување од општинските буџети исто толкава сума, односно по 170.000 илјади евра.
Во почетокот на идниот месец ќе се одржи и третата форумска сесија, чиј домаќин ќе биде Општината Македонска Каменица.