Заменикот претседателот на Владата задолжен за европски прашања Фатмир Бесими, денеска по втор пат беше организатор на форум со поранешните вицепремиери задолжени за европски прашања чија цел е преку неформален и отворен пристап да се придонесе кон размена на идеите и искуствата во поглед на реализација на Стратегијата на Република Македонија за пристап во ЕУ и придонесот кон годишниот извештај.
– На средбата беше потенцирано дека евро-атланската интеграција на Република Македонија несомнено претставува врвен стратешки приоритет. Исто така, беше истакнато дека европската интеграција подразбира инклузивен и транспарентен процес на соработка на сите државни институции, политички субјекти и граѓанскиот сектор, се вели во соопштението од Секретаријатот за европски прашања.
Воедно, се посочува дека од Секретаријатот ќе продолжи и во иднина да ги промовира европските вредности во рамки на неговите координирани активности за европска интеграција.