Поради изведување градежни активности за реконструкција на коловозот на улицата „Ацо Шопов“, на потегот од крстосницата со булевар „Партизански одреди“ до крстосницата со булевар „Илинден“, од денеска ќе биде воведен времен режим на сообраќај, инфомрира Град Скопје.
Оттаму апелираат до сите учесници во сообраќајот да се придржуваат на времено поставениот сообраќаен режим, да ја почитуваат поставената патна сигнализација и да ја приспособат брзината на движење на условите на патот.