Град Скопје ги известува граѓаните дека на 11 октомври и во деновите на викендот (13 и 14 октомври), доколку дозволат временските услови, ќе се изведуваат градежни работи на булеварот Митрополит Теодосиј Гологанов, на делот од крстосницата со улица Рузвелтова до крстосницата со булеварот 8 Септември.
Поради тоа, на наведената делница, во посочените денови, ќе има целосен прекин на сообраќајот.
Во насока кон Ѓорче Петров, сообраќајот ќе биде пренасочен по улицата Рузвелтова, булевар Партизански Одреди и улица Московска. Во насока кон центарот на градот сообраќајот ќе биде пренасочен по улица Московска, улица Рузвелтова и булеварот Партизански Одреди.
Автобусите на јавниот градски превоз кои се сообраќаат на линијата со број 5 ќе ја користат претходно наведената траса во двете насоки.
За време на изменетиот режим на сообраќај, се молат сите учесници во сообраќајот да се придржуваат кон времено поставениот режим.