Патот за Македонски Брод преку ЈП „Јасен“ денеска ќе биде прооден според одреден режим поради одржувањето на манифестацијата „Козјак Маратон 2014“.
Како што соопштија од ЈП „Јасен“ од 7 до 12 часот, посетителите без ограничување ќе можат да се движат во правец од Скопје кон Марков Манастир – Нова Брезница – Кула – Коломонт – мост на Близанско – село Близанско на брегот на Акумулацијата каде што ќе се одржува спортска манифестација „Македонски куп во далечинско пливање – Козјак Маратон‘‘ 2014.
Заминувањето на посетителите и учесниците на манифестацијата ќе се одвива од 13 до 21 часот без ограничување само во правец кон Скопје, а режимот на движење ќе го регулира сообраќајната полиција.