Апсурдно и лицемерно е што оние кои две децении ја уништуваа застапеноста на Албанците во државните институции, денес се претставуваат како бранители на еднаквоста, велат од Вреди.
„Тие се истите оние кои ја претворија администрацијата во адут за пазарење. Го оставија албанскиот граѓанин без глас и без одбрана пред дискриминацијата. Бараа отстранување на “балансерот“ и 24 години немаа храброст да регулираат со закон фундаментално право што произлегува од Охридскиот договор. Бидејќи еднаквоста за нив никогаш не била цел, беше заложник што им служел на нивните интереси.
ВЛЕН, за само една година влада, направи она што не беше направено повеќе од две децении. Тоа е историско достигнување за Албанците во државната администрација.
Денес, правичната и соодветна застапеност повеќе не е празна фраза, туку станува реалност. Албанците се унапредуваат во институциите, на одговорни позиции, не со привилегии, туку со заслуги. Бидејќи пристапот се промени: правда, еднаквост и достоинство за сите.
ДУИ се спротивставува на овој закон, бидејќи повеќе не може да го користи како алатка за политичка трговија, тие ја продадоа еднаквоста за Соравија. Бидејќи повеќе нема позиции што се делат на вечери и зад сцената. Ние не работиме за лажни вести, туку за вистински промени. За реформи што се допираат, чувствуваат и ги менуваат животите на граѓаните.
Овој закон е добиена битка. Тоа е пресвртницата што Албанците ја чекаа со години. Тоа е крај на институционалната дискриминација и почеток на нова ера на претставување. Промената започна. Албанците повеќе нема да бидат фигури во државните институции. Тие ќе бидат носители на одлуки. Еднакви во законот и во животот. И никој, никогаш повеќе, нема да може да ги користи како бројки за да ја одржи својата моќ. Затоа што за нас, еднаквоста не е слоган. Тоа е мисија. И оваа мисија ќе продолжи напред! Затоа што Албанците заслужуваат вистинска еднаквост! Затоа што Албанците го вредат тоа, тврдат од Вреди.