Секоја година, на 2 мај, жителите на селото Слупчане и пошироко го одбележуваат еден од најважните датуми во поновата историја, денот кога е прогласен за слободна зона по вооружениот конфликт од 2001 година. Овој датум претставува не само крај на еден тежок период за граѓаните, туку и почеток на ново поглавје, исполнето со надеж, посветеност на мирот и напори за одржлив развој, велат од ВРЕДИ.
– По месеци на тензии и жртви, 2 мај стана симбол на истрајност и решителност да се живее со достоинство во сопствената земја за секој жител без никаква разлика во етничка или верска припадност. На овој ден се организираат комеморативни активности, народни собири и оддавање почит на оние кои се жртвуваа за слободата и иднината на оваа земја. За многумина, 2 мај не е само историски настан, туку и момент на размислување и единство.
Датумот 2 мај е повеќе од годишнина, тој е наследство. Тоа е денот што ги потсетува помладите генерации на пролеаната крв, на мајките што ги дадоа своите синови за еднаквост и правда, на мачениците што ги оставија зад себе своите имиња напишани на плочите на вечноста.
Денес е ден кога болката се претвора во сила, а сеќавањето во обврска никогаш да не се заборави. Ова подрачје останува местото каде што зборува историјата и каде што 2 мај продолжува да биде важен датум за сите Албанци од Северна Македонија, како и за сите Албанци каде и да живеат, се вели во соопштението од ВРЕДИ: