Изнемоштен коњ кој влечел запрежна кола, колабирал на улицата меѓу Тутунскиот комбинат и полициската станица Пролет во Скопје.
Според очевидци, коњот и натаму дава знаци на живот, иако лежи на асфалтот и не може да стане.
Неколку луѓе присутни на местото на настанот се обидуваат да му помогнат на изнемоштеното животно, но тоа нема сили да се исправи.
Ваквата глетка станува се почеста слика во главниот град, а многу активисти за заштита на животните бараат од властите да преземат мерки кон оние кои нехумано постапуваат и ги измачуваат животните.
Активистите апелираат општините и Град Скопје да овозможат субвенционирање на мотоцикли за транспорт на стока и материјали, а на сметка на тоа да се забрани употребата на коњи за овие потреби.
Виктор Јованов