Двесте и педесет илјади денари тежи пленот на разбојникот кој утрово ја испразнил касата на казиното „Астра“ во ценатрот на Скопје, информираат од полицијата.
Разбојникот вооружен со пиштол, влегол во казиното утрово околу 3.20 часот и на тројцата вработени почнал да им се заканува дека ќе ги убие, ако не му ги дадат парите. Во касата имало 250.000 денари кои завршиле во торбата на разбојникот, кој потоа побегнал.
Полицијата го бара разбојникот.