„Не е прашање дали Македонија ќе влезе, туку кога ќе влезе во НАТО. Јас би бил најсреќниот човек кога ќе видам дека тоа ќе се случи. Како што кажа и секретарката Клинтон прашање е само решението за името и Македонија веднаш ќе биде примена во НАТО“, изјави американскиот амбасадор Пол Волерс.
„Ние работиме овде денес заедно, работевме заедно во Авганистан и во Ирак така што сметам дека и понатаму ќе продолжиме да работиме заедно. На долги патеки, значи не е прашање дали Македонија ќе влезе туку кога ќе влезе во НАТО. Јас би бил најсреќниот човек кога ќе видам дека тоа ќе се случи. Како што кажа и секретарката Клинтон прашање е само решението за името и Македонија веднаш ќе биде примена во НАТО“, потенцираше Волерс.
Амбасадорот не ги коментираше последните изјави на премиерот Никола Груевски во кои ги обвинува НАТО, Франција и Германија за дволичност.
„Како што и порано рековме Aмбасадата нема да ги коментира изјавите на премиерот Никола Груевски. Заедно ќе продолжиме да работиме и натаму и се надеваме дека на следниот самит ќе имаме поповолен исход Што се однесува до самитот на НАТО има некакво чувство дека Македонија доби негативен извештај. Прашањето за влез на Македонија во НАТО воопшто не беше разгледувано“, рече Волерс.