Локалната самоуправа од Неготино заедно со армијата и противпожарните единици го локализираа пожарот во граничниот реон на Армискиот полигон Криволак.
Армискиот хеликоптер МИ-8/17 утрово се вклучи во гасење на пожарот и со исфрлени 44 тони вода го стави под контрола. Останува делот во широчина под 1000 до 1500 метри на непристапен терен кој е под надзор на војската.
– Издвоените објекти од посебно значење се осигурани и безбедни на полигонот. Ние имаме стандардни оперативни процедури и направени се широки тампон зони од 10 метри. Воздушната оддалеченост на овие објекти од пожарот е од пет до седум километри. Од денес е вклучен и канадер со кој ќе се локализира брзо пожарот – рекоа за „А1он“ од Армијата.