Висока воена делегација на националната гарда (НГ) на американската сојузна држава Вермонт, предводена од Командантот на гардата, генерал-мајор Стивен Креј од до 21 септември ќе престојува во посета на Република Македонија.
Како што соопштија од прес-канцеларијата на ГШ на АРМ, делегацијата од НГ на Вермонт за време на неколкудневниот престој ќе оствари средби со својот домаќин, началникот на ГШ на АРМ, генерал-мајор Васко Ѓурчиновски, со министерката за одбрана Радмила Шекеринска, ќе изврши обиколка на дел од единиците на АРМ, а ќе присуствува и на завршната церемонија на безбедносниот форум во Охрид. Делегацијата на гардата на Вермонт ќе го посети и Министерството за внатрешни работи и Центарот за управување со кризи.
Согласно агендата и протоколот денеска ќе се одржи пречекот на делегацијата од страна на НГШ на АРМ генерал-мајор Ѓурчиновски пред влезот во МО и ГШ на АРМ, по што ќе следува приемот на генерал-мајор Стивен Креј кај генерал-мајор Ѓурчиновски и билатерални разговори.
Националната гарда на Вермонт е партнер на АРМ со кој досегашната воена соработка навлегува во својата 25-та година. Преку воената контакт програма се реализирани голем број различни форми на обука и заеднички вежби кои помогнаа во голема мерка АРМ рамноправно со своите партнери да ги достигне стандардите на НАТО, наведуваат од прес-канцеларијата на ГШ на АРМ.
