Водата за пиење во Гевгелија одговара на законските и стручни прописи во однос на параметрите за физичко-хемиска анализа.
Ова денеска го соопшти јавната здравствена установа Институт за јавно здравје на Република Македонија врз основа на испитувањата направени на 8-ми овој месец.
Во соопштението се констатира дека испитаните параметри на водата за пиење одговараат и на правилникот за безбедност на водата.
Од Институтот за јавно здравје соопштуваат дека водата за пиење во Гевгелија редовно ќе се контролира и дека граѓаните на Гевгелија и населените места приклучени на регионалниот водовод не треба да стравуваат за квалитетот на водата за пиење.