Во Собранието на Република Македонија закажана е седница на која што треба да се гласа Законот за употреба на јазиците, а пред Собранието група граѓани протестираат против тој закон.
Претходната седница за донесување на законот за јазици пропадна, бидејќи политичките партии немаа усогласени ставови. На координативните состаноци изминативе денови не учествуваше опозициската ВМРО-ДПМНЕ. Денешната седница е закажана за 13 часот.
Законот за употреба на јазиците е во трето читање во Собранието, а од ВМРО-ДПМНЕ поднесоа 35.569 амандмани со образложение дека законот е неуставен и треба да се повлече.