Претставници на УМС од Републичкиот штаб за рефoрми во ВМРО-ДПМНЕ презентираа Младинска декларација и концепт за модернизација на унијата.
– Свесни и обединети, ние младите донесуваме Декларација за модерно УМС, се со цел повеќе млади лица да се приклучат кон Унијата на млади сили и внатрешните реформи во ВМРО-ДПМНЕ, порача Моника Делева, член на УМС од Републичкиот штаб за реформи во ВМРО-ДПМНЕ.
Младинската декларација, како што информираа младите реформисти од ВМРО-ДПМНЕ се состои од 8 точки кои мора да бидат применети со цел успешно реформирање на партијата.
– Ние младите го поддржуваме проектот за реформи во ВМРО-ДПМНЕ и спроведување демократски и обединувачки конгрес, рече Стефан Василевски, член на УМС од Републичкиот штаб за реформи во ВМРО-ДПМНЕ.
Виктор Јованов