Продажен објект целосно изгоре во центарот на Скопје, спроти казино, односно карши Управата за јавни приходи. Во непосредна близина има и продавница за чевли која досега не е зафатена. Пожарот се случи на булеварот „11 октомври“.
Интервенираат неколку пожарникари, кои со кршења на вратите успеаја да влезат внатре. Во моментот на пожарот, објектот бил празен. Повредени лица нема.
Засега непознато е како настанал пожарот. На терен има и полиција, која по гаснењето на пожарот ќе треба да направи увид. Пожарот е локализиран.
