Во влез од зграда во Скопје нападна и допираше девојка, ОЈО отвори постапка

Од:

Основното јавно обвинителство Скопје поведе постапка против 21-годишник за кого постои основано сомнение дека сторил други полови дејствија кон 19-годишна девојка, односно кривично дело од член 186 став 7 во врска со став 1 од Кривичниот законик.

На 14 јануари девојката влегла во трговски центар и додека плаќала на една од касите ја забележал осомничениот кој пазарел во истата продавница.

Ја следел извесно време додека девојката влегла во зграда во близина на трговскиот центар.

Во влезот ја нападнал и започнал да ја допира.

Жртвата се спротивставила и почнала да вика, по што осомничениот ја ослободил и избегал.

Полицијата го пронашла и го лишила од слобода неколку дена подоцна.

Јавниот обвинител до судијата на претходна постапка од Основниот кривичен суд Скопје достави предлог за определување мерки на претпазливост – одземање на патна и друга исправа за преминување на државната граница, обврска осомничениот да се јавува кај определено службено лице во судот и забрана да се приближува или да воспоставува контакти со жртвата.

Судот донесе решение со кое ги определи мерките за обезбедување.

Би можело да ве интересира

Израел ја бомбардираше Сирија, има загинати и повредени

Новоросијск прогласи вонредна состојба по нападот врз Украина, бројот на жртви се зголеми

26 загинати, 17 повредени во напад врз туристи во Кашмир

Руски дрон погоди автобус во Украина, најмалку девет лица загинаа, а 30 се повредени

Обвинителство изврши увид по тешката сообраќајка на патот Кичево – Гостивар

А1он

ОЈО бара мерки за претпазливост за последниот 19-ти осомничен со кого е проширена истрагата за пожарот во Кочани

А1он