Во велешкиот гарнизон на АРМ „Алексо Демниевски-Бауман“ билансот на денешната акција за доброволно дарување крв е 45 крвни единици.
Акцијата ја оценуваме како успешна, информира за МИА, Лидија Сланева Стојановиќ од Општинската организација на Црвен крст, а кои акцијата ја организираа во соработка со медицинска екипа од Станицата за трансфузиона медицина од Скопје.
– Во акцијата учестуваа младите војници на доброволно служење во АРМ, а меѓу нив имаше и такви кои денеска првпат даруваа крв и се вклучија во Друштвото на хуманите.Во акцијата учествуваа и нивни старешини припадници на АРМ, а кои како и многупати досега и денеска ја искажаа својата хуманост на дело,потенцира Сланева Стојановиќ.
Во велешкиот гарнизон на АРМ, акции за доброволно дарување крв се спрведуваат со секоја нова генерација односно во просек три до четири пати годишни и секогаш се мошне успешни, за што сме им посебно благодарни, велат од Опшинската Организација на Црвен крст од Велес.