Во организација на Мото клубот „Носачи на крстот“ од Велес, а во соработка со Општинскиот Црвен крст денеска екипа на Институтот за трансфузиона медицина од Скопје во Велес ја изведе традиционалната крводарителска акција во рамките на одбележувањето на Денот на ослободување на Велес, 9 ноември.
Како што информира за МИА Миле Маџаров секретар на ООЦК Велес во акцијата се собрани 112 крвни единици.
– Акцијата за доброволно дарување на крв е успешна. Во неа учествуваа крводарители од сите возрасти и помлади и повозрасни, а петмина од нив денеска за првпат даруваа крв, на што сме им посебно благодарни за хуманиот потег да спасат нечиј живот во опасност, потенцира Маџаров.
Д-р Миленка Благоевска од Институтот за трансфузиона медицина од Скопје оцени дека акцијата е успешна и велешани само потврдиле дека се меѓу најуспешните крводарители во земјава.