Униформирани полициски службеници од Полициската станица за безбедност и патролирање во сообраќајот во СВР Велес, и на почетокот и на оваа на учебна година, извршуваат секојдневно обезбедување на пешачките премини во непосредна близина на основните училишта.
Како што потенцира Верољуб Додевски, портпарол на СВР Велес, целта е да се осигура безбедно преминување на улиците за сите ученици.
– Особено превентивата е важна за заштита на сообраќајниците на најмалите – првооделенците, а кои за првпат тргнуваат на училиште и сега ги учат сообртаќајните правила и прописи на безбедно минување на улица на означен пешачки премин, потенцира Додевски.
Тој најавува дека ваквите превентивни активности на сообраќајната полиција е планирано да се одвиваат во текот на септември, а доколку се почувствува потреба ќе продолжат и во октомври.