Во Тетово нападнат и повреден полицаец кој бил на интервенција со службата за подигнување возила

Од:

Полицаец е физички нападнат вчера на улицата „Борис Кидрич“ во Тетово при вршење службена должност кога се подигнувало непрописно паркиран автомобил заедно со екипата на општинското претријатие за градски паркинг. Инцидентот се случил околу 16:30 часот, а по нападот приведен е напаѓачот Н.С (29) од Шемшово.

– Лицето Н.С (29) од Шемшово е приведен и задржан во полициската станица во Тетово за понатамошна постапка. Се преземаат мерки за целосно расчистување на случајот, соопштија од СВР Тетово.

Полицаецот при нападот здобил и телесни повреди поради што е задржан на лекување во тетовската Клиничка болница.

За два месеци ова е втор напад врз полицаец во Тетово. На 30 април 49-годишен жител на Тетово заврши во полициска станица на распит откако на улицата „Илинденска“ во Тетово прво одбил да се легитимира, а потоа и почнал да бега. Откако бил стигнат, Ј.С. физички нападнал еден од полициските службеници. Лицето потоа е лишено од слобода и задржан во Полициската станица Тетово.

Во статистичката евиденција на СВР Тетово се бележат околу 40-тина напади за 2018-та година.

Би можело да ве интересира

Во село Зовиќ пронајдена граната од Првата светска војна

Ана Ололовска

Агенција за обезбедување ќе ги чува најкритичните здравствени установи

Ана Ололовска

Тројца малолетници повредени во тепачка во автобус

Тепале лекари, обезбедување и полицајци во стара Градска оти им досадило да чекаат

Маја Илиевска-Пачемска

Масовна тепачка во стара Градска болница, нападнати лекари и полицајци

Маја Илиевска-Пачемска

МВР со претставка до ЗНМ, СЕММ и АВМУ за информирањето на одредени медиуми за инцидентот во Волино

Ана Ололовска