Град Скопје информира дека авионската дезинсекција против ларви од комарци ќе се реализира в среда, а во четврток ќе се спроведе терестричната дезинсекција (земјена).
Првата аеросолна дезинсекција (авионска) за годинава ќе се одвива од 6 до 12 часот. Ќе бидат опфатени сите мочуришта, канали и стоечки водени површини во Скопје и неговата околина, како и течението на реката Вардар.
Земјената дезинсекција, прва за годинава, ќе се реализира од 9 до 17 часот. Ќе ги опфатени сите стоечки водени површини во Скопје (канали, езерата во Градскиот парк, езерото Треска и по течението на реката Вардар).
Град Скопје информира дека доколку временските услови не дозволат, авионската дезинсекцијата против ларви од комарци ќе се изврши првиот нареден ден, во истиот термин. Согласно на тоа ќе се извршува и соодветната земјена дезинсекција.
Градските власти апелираат пчеларите на време да ги преземат потребните мерки за заштита на пчелите.