Една мигрантка од Кина загина, а седуммина се повредени откако денеска на патот Валандов-Дојран камион со српски ознаки излета од коловозот и се преврте.
Како што соопштија од СВР Струмица, во несреќата од здобиени повреди почина мигрантка од Кина, смрт констатира лекар од Итната медицинска помош, а телото на почината е предадено на обукција.
– Со повреди се здобиле уште седум лица-мигранти од Кина, кои без знаење на возачот влегле во приколката. Возачот С.М. е задржан во Јавната здравствена установа Гевгелија за укажување помош. Увид на местото на несреќата, во присуство на јавен обвинител, изврши екипа од ОВР Гевгелија, се наведува во полициското соопштение.