Во СВР Битола вчера во 12:00 часот било пријавено дека на магистралниот пат Битола-Прилеп, кај село Беранци, патничко возило „опел корса“, со прилепски регистарски ознаки, управувано од 31-годишниот Б.Н. од Прилеп, удрило во бетонски столб од надвозник, известува МВР.
Возачот починал на местото на незгодата. Лекар од Итната медицинска помош констатирал смрт, а увид бил извршен од увидна екипа од СВР Битола, се додава во соопштението на Министерството за внатрешни работи.