Лицето Д.В. (31) од тетовското село Радиовце се здобил со тешки телесни повреди во сообраќајната несреќа што се случила околу 2 часот по полноќ на регионалниот пат Тетово-Волковија во непосредна близина на свињарската фарма во Челопек.
Портпаролот на СВР Тетово Марјан Јосифовски информираше дека Д.В. се здобил со скршеници на десниот колк и носот, откако патничкото возило „Голф“, што тој го управувал излетало од патот и удрило во блиските дрвја.
– Набрзо тој е пренесен во тетовската клиничка болница и по укажаната лекарска помош, а заради сериозноста на повредите префрлен е на скопските клиники, рече Јосифовски.
Според него, полицијата извршила увид и првично причина за несреќата е неприлагодена брзина додека материјалната штета се проценува на 60 илјади денари.