Вчера вечер, во 18.40 часот во СВР Скопје било пријавено дека на крстосница на булеварот „Босна и Херцеговина“ и сервисна улица се случила сообраќајна несреќа помеѓу патничко моторно возило „мерцедес“ со скопски регистарски ознаки, управувано од 19-годишниот Д.Т. од Скопје, патничко моторно возило „ауди“ со скопски регистарски ознаки, управувано од 29-годишниот Ј.Д. од Скопје и патничко моторно возило „ауди“ со скопски регистарски ознаки, управувано од 56-годишниот Ф.С. од Скопје, по што удриле во тројца пешаци, информира МВР.
Во несреќата со тешки телесни повреди се здобилa малолетничка-пешак, а со телесни повреди се здобиле уште две малолетнички-пешаци, како и возачите Ј.Д. и Д.Т., констатирани во Комплексот клиники „Мајка Тереза“, Градската општа болница „Св.Наум Охридски“ и Градска општа болница „8-ми Септември“. Извршен бил увид од увидна екипа од СВР Скопје.