Во Собранието нова 52 седница и продолжение на 50-тата

Од:

Собранието денеска ја продолжи 50-та седница, на чиј дневен ред се околу четириесетина предлози на закони во прво и второ читање, одлуки, автентични толкувања, како и годишни извештаи и почна со работа по нова 52 седница, со единствена точка на дневен ред Предлог-закон за изменување и дополнување на Изборниот законик, по скратена постапка, предложен од група пратеници.

Координаторот на владејачката СДСМ Јован Митревски рече дека зад предлогот стојат сите партии и од мнозинството и од опозицијата и оти станува збор за измени кои произлегуваат од последниот извештај на ОБСЕ/ОДХИР за предвремените парламентарни избори 2020 година.

– Со измените се опфатени сите делови на извештајот на ОБСЕ-ОДХИР и со истите се овозможува поголема ефикасност на изборните органи, се зголемува и подобрува ефикасноста и транспарентноста во изборниот процес, се прецизираат, појаснуваат и поедноставуваат одредени делови од процесот, надлежноста на изборните органи и другите институции. Генерално со сите предложени измени и дополнувања се опфатени и ќе имаат бенефит пред сè граѓаните како гласачи, кандидатите, но и институциите кои имаат свои надлежности во изборниот процес, рече Митревски, кој побара предлог-законот да се донесе во скратена постапка, бидејќи не е обемен.

Пратеникот Павле Трајанов истакна дека е потребна целосна реформа на Изборниот законик и забележа дека нема услови за рамноправен натпревар на партиите.

Во продолжение треба да заседаваат Комисијата за политички систем и односи меѓу заедниците, како и Законодавно-правната комисија, кои треба да го разгледаат Предлог-законот за измени и дополнување на Изборниот законик. По што, законот, повторно ќе се најде пред пратениците.

Претседателот на Собранието Талат Џафери даде пауза и рече дека со 52 седницата ќе продолжат кога ќе се создадат услови, а денеска ќе продолжат со дебата по 50-та седница

Би можело да ве интересира

Промена на собранискиот состав по локалните избори

Ана Ололовска

Џафери на Конференција во Атина, ќе се сретне со претседателот на грчкиот Парламент

Ана Ололовска

Џафери: Работиме на подобрување на транспарентноста на Парламентот

Џафери: Потребна е кредибилна европска перспектива за Западен Балкан, заснована на систем на заслуги

Ана Ололовска

Тројца амбасадори ќе ги претстават своите платформи пред собраниската Комисија за надворешна политика

Ана Ололовска

Џафери: Предлог-одлуката за формирање Анкетна комисија се враќа како неуредна, истата да се усогласи во рок од 15 дена

Ана Ололовска