Во четврток и петок во периодот од 7 до 11 часот на подрачјето на Скопје ќе се реализира аеросолната дезинсекција (авионска) против ларви од комарци.
Како што соопшти денеска Град Скопје, ќе бидат опфатени сите мочуришта, канали и непроточни водени површини во градот и неговата околина, како и течението на реката Вардар.
Доколку временските услови не се поволни, авионската дезинсекцијата ќе се изврши во истиот термин првиот нареден ден, кога временските услови ќе бидат поволни. Се известуваат пчеларите навремено да ги преземат потребните мерки за заштита на пчелите.