На улицата „Московска“ во Скопје синоќа во 21.00 часот, Оперативен тим Потраги во содејство со Единица за интервентна полиција при СВР Скопје го лишиле од слобода 31-годишниот С.И. од Битола, кој бил баран по Централна потерница од Основното јавно обвинителство Битола за издржување мерка притвор.
При претрес во домот во Скопје во кој живее, извршен со судска наредба, информираа денеска од МВР, биле пронајдени и одземени марихуана, бела прашкаста материја и поголем износ на пари во различни валути и апоени.
Тој бил предаден во Полициската станица Карпош за понатамошна постапка.
По целосно документирање на случајот, наведуваат од МВР, против него ќе биде поднесена соодветна пријава.