Молебен за помен на сите загинати руски војници денеска на пладне ќе се одржи во параклисот „Свети Ѓорѓи Победоносец“ што се наоѓа во општина Аеродром, спроти СЦ „Јане Сандански“.
На настанот ќе присуствуваат рускиот амбасадор Олег Шчербак и почесниот руски конзул во Битола Сергеј Самсоненко, кој со неговото семејство е ктитор на црквата „Света Троица“.
По овој настан, на платото пред хотел Русија ќе се одржи манифестацијата „Бесмртен полк“, што се одржува секоја година како дел од одбележувањето на Денот на победата над фашизмот. На платото ќе биде поставен и „Ѕид на сеќавање“ на кој ќе бидат отсликани портрети на учесниците во антифашистичката борба.