Во Пробиштип во тек се повеќе инфраструктурни проекти, а денеска заврши комплетната реконструкција на улицата „Славко Баев“ во централното градско подрачје.
Градоначалникот на општина Пробиштип Тони Тоневски истакна дека реконструкција на улицата се одвивала во две фази.
– Во првата фаза се направи нов канализациски крак за атмосферската канализација, кој го работеше нашето комунално јавно претпријатие. Во втората фаза, односно сега во моментов се работат последните подготовки за асфалтирање на улицата. Се очекува и денеска да биде целосно завршена оваа улица, рече Тоневски.
Тој истакна дека реконструкцијата и санацијата на улицата е во рамки на Програмата на општина Пробиштип за 2017 година. Овој проект чини 1. 800.000 денари, а средствата се обезбедени од буџетот на општината.