Во пожар во сопствената куќа повреден 66-годишен скопјанец

Шеесет и шестгодишен маж од Скопје вчара се здобил со изгореници од втор и трет степен откако избувнал пожар во неговата куќа.

Следете a1on на Instagram

МВР соопшти дека во 22:25 часот во Скопје на улицата „Максут Садик“ од засега непознати причини избувнал пожар во куќа сопственост на С.Н. Тој се здобил со изгореници на рацете и главата и пренесен е во Клиничкиот центар „Мајка Тереза“ каде му се констатирани тешки телесни повреди и е задржан на понатамошно лекување.

Од пожарот била опожарена речиси целата куќа, а бил изгаснат од страна на Бригада за противпожарна заштита во 23 часот.