Материјална штета од околу 420 илјади денари претрпел А.Ќ.(36) од тетовското село Требош по пожарот што избувнал вчера околу 1 часот и 50 минути во неговата гаража, информираше портпаролот на СВР Тетово, Марјан Јосифовски.
Интервенирала тетовската противпожарна единица по што пожарот околу 2 часот и 40 минути бил локализиран со што било спречено негово проширување и поголема штета.
Според полициските податоци во пожарот целосно изгореле патничко моторно возило Матис со тетовски регистерски таблички, скутер, две алуминиумски врати од гражата и околу еден метар кубен огревно дабово дрво.
Полицијата извршила увид и работи на откривање на причините за пожарот рече Јосифовски.
